Watchbus

WatchBus 手錶討論區 :: 觀看文章 - Explorer I (114270)

開新主題回覆文章

Explorer I (114270)

發表人

內容

mjprince
新進會員

註冊時間: Mar 18, 2004
文章: 11

發表於: 星期一 2004-05-31 00:44

太約一年前左右,我買了第一隻 rolex Explorer I (114270) 水貨,在法國買的,
平均一個星期快兩分鐘左右,我心想 rolex 都是不外如是, 同我以前所載 oris & tag 都差不多, 但有一日我返工睇報紙見到 rolex 個廣告有個電話號碼, 如是膽粗
粗打電話去問,(其實我果日十分無聊才打電話去問), 之後有一位聲音非常好聽的
小姐解答我的問題,我便同佢講我隻錶一個星期快兩分鐘左右,這樣是否有問題,
這位小姐十分禮貌地講(其實我覺得都幾串), 只要有時差便是有問題的, 可以拿
回來看看,於是我問佢收唔收錢,佢話新買不用收錢,於是我立即拿去比佢睇睇,(可能
我是香港人, 知道不用洗錢便第一時間拿去......), 去到怡和大廈,見到同我講電話
的小姐都幾靓,我便說明來意,佢叫我等等, 之後有位小姐話隻錶要三個星期先有得
拿回,我見佢地工作態度十分認真,便慢慢等三個星期,三個星期後某日,我拿回我
的手錶至現在,太約一年左右的時間,只快了兩分鐘左右,我覺得十分利害,(其間沒有
停止運行),我開始覺得 rolex 並不是浪得虛名,可以用一世的手錶品牌並不多,但
rolex 比我的感覺是隻錶真的可以用到我壽終正寢為此 (現在我2x歲),

可能太多白話,請各位朋友見諒

yym
資深會員

註冊時間: May 07, 2004
文章: 683

發表於: 星期一 2004-05-31 02:40

mjprince 寫到:

可能太多白話,請各位朋友見諒

Nice to Know that they provide such service. Thank you.

rolex1016
白金會員

註冊時間: Dec 05, 2003
文章: 2218

發表於: 星期一 2004-05-31 12:45

不錯的過程

mjprince
新進會員

註冊時間: Mar 18, 2004
文章: 11

發表於: 星期一 2004-05-31 15:40

其實中間還有一段插曲, 果日我攞齊買錶發票及ROLEX 出世紙證書, 直闖位於中環怡和大廈嘅維修部排隊, 大約等了十分鐘左右, 就有一位小姐問我隻錶有什麼問題, 我便同佢講我隻錶一個星期快兩分鐘左右, 個位小姐跟着同我隻錶登記, 佢話下一次再拿回來維修不用再帶出世紙證書, 已經有了記錄, 跟着將我隻錶用工具將錶帶拆除, 即場給維修師父作詳細檢查,其間有一位身穿綠色筆直西裝的外耤人士過來了解情況, 而我見佢非常之緊張, 可能只有我買了不夠兩星期便拿回來維修, 最後維修師父話要放低三個星期維修, 而代理就俾了孩紙仔我, 給我下次拿錶用的,(用手寫! 都幾簡陋) 。

三個星期後某日, 個位小姐同我講隻錶已調教好了, 於是我出於好奇問佢隻錶出了什麼毛病, 佢話因為我隻手錶原本只在歐洲地區發受, 調教方面同亞洲不同, 所以便出了時差問題, 其間我見到有張A5 SIZE 大的紙同我隻錶一齊拿出來, 我問佢這張紙是什麽, 佢話隻錶調教時間 REPORT 之類, 我問佢送了比我得唔得, 佢笑咪咪地答不行, 佢話這張REPORT 之類的東西不可以流出市面, 之後我還問了幾個問題, 佢都非常樂意地回答, 最後還給了一個十分精美的紙信封給我袋表哈哈哈

。

其後我覺得隻錶維修前後是有小小分別的, 機械運行聲比以前大聲, (其實不留心是擦覺不到的), 運行好像比以前有力, 希望不是我的幻覺。

其實我買ROLEX原因不是為了滿足自己的虛榮心, 記得我太約十七,十八歲左右,我對ROLEX沒有什麼好感, 金銀膶, 滿天星, 感覺十分濁氣, 覺得只有暴發戶, 同一些財大氣粗的人才載的, (如有得罪, 請多多包涵), 直至我看了有一套木村及松隆子所主演的日劇, 才發覺ROLEX 原來都有這樣平凡而實用的手錶,可惜當年還是學生的我,零用錢只得一千幾百元,萬元對我來說簡直是天文數字,(果時我還未知隻手錶十分熱責,要炒價先有得交易,真是多得木村唔小),最後自自然然不了了之,到了我出來社會工作,因為工作性質關係,時間對我都幾重要,時常要趕deadline, 將有限的時間用到盡, 覺得以前所載的手錶不太準時, 所以才肉赤地買了弟一隻 ROLEX, 而我買Explorer I 原因是隻錶設計簡單, 沒有多餘的工能, 就好似一個掛牆大鐘, 完全為看時間而設計, 對我而言簡單便是美

。